ආදරය මේ තරම් විරහද? | මා දුටු ලව් බූට්

                                                                                                                මේ ලියන්න යන එකේ ප්‍රධාන චරිතේ අවතාර්ගේ හයේ පන්තියේ ඉඳලම යාළුවා.ගමේ ඉස්කෝලෙන් ශිෂ්‍යත්වේ පාස්වෙලා ටවුන් එකේ ඉස්කෝලේට ගිය මගේ පලවෙනි යාළුවා උනේ ඌ.හය වසර හත වසර ගෙවිලා යද්දි ඔන්න කාටත් වදින ඊතලේ අපේ උන්ටත් වදින්න ගත්තා.පන්තියේ හිටිය කොල්ලෝ ගාණයි කෙල්ලෝ ගාණයි වෙනස් උනේ පොඩි ගාණකින් .මතක විදිහට කෙල්ලෝ දෙන්නෙක් වැඩියෙන් හිටියද කොහෙද.අට වසරේ දී පන්තියේ කොල්ලෝ බොහොමයකට හිටපු කෙල්ලන්ගේ නම් කියලා නෝන්ඩි කරන්න ගත්තා.පුදුම කියන්නේ මේ තේරීම හරියට හරි ගියපු තැන් බාගෙට බාගයක්  තිබුනා.අවතාර්ගේ හිතේ හිටිය ගෑනූ ලමයා ගේ නම කියලා අවතාර්ව නෝන්ඩි කලේ කස්ටිය.ඒ ප්‍රේමේ ගැන ඉතින් වැඩක් නෑ.නොදන්න කස්ටිය ඉන්නවනම් ගිහින් බලන්නකෝ මෙතනින්.

             ඉතින් මම මේ කියන බුවාටත් නම වැටුනා ඌ ට්‍රයි කරපු කෙල්ලගේ.ඒ දවස් වල උගේ අඹ යාළුවා විදිහට සේරම කියන්නේ මට.මම ඒකිව කොහොම හරි යාළු කරගන්නවා මට සපෝට් එක දියන් කියලා කෙල්ලව දකින දකින සැරේට මූ මාත් එක්ක කියනවා.අඹ යාළුවා විදිහට ඉතින් යාළුවාගේ දුකේදීත් සැපේදීත් උදව් කරන්න එපැයි.මගෙන් ඉතින් ෆුල් සපෝට්.මට මතක විදිහට මූ අට වසරේදී කෙල්ලගේ පස්සෙන් යන්න ගත්තා.කෙල්ල කියලා මහ ලොකු ලස්සනක් නෑ.මේකි අරූට ගනන් ඉස්සුවා.ඔහොම අවුරුද්දක් පුරාම ට්‍රයි කරලා අපි නවය වසරට ආවා.මේ වෙන කොට පන්තියේ ලෙවල් කෙල්ලෝ සෙට් එකකුයි කෙල්ලෝ සෙට් එකකුයි හැදුනා.බොහෝම පොඩි ගාණක්.උන්ගේ මොනවා ලෙවල් උනාද කියලා අවතාර් තාම දන්නේ නෑ.ඒ උනාට ලෙවල් ඈ.මේ කියන කෙල්ලත් මුලින් ආශ්‍රය කලේ ඔය කියන ලෙවල් කෙල්ලන්ව.අපේ බුවාත් අතෑරියේ නෑ.නවය වසරේ පුරාවටමත් ට්‍රයි කරා.

                   ඔහොම ගිහිල්ලා වැඩේ පෙන්ඩින් උනේ 10 වසරේදි.කෙල්ල මූට කැමති බවක් පෙන්නුවා.අරූට ඉතින් මාර හැපි.ඇයි ඉතින් අවුරුදු දෙකක් තිස්සේ කාපු කට්ටනේ.එකළෙහ වසර වෙද්දි මුන්ගේ ලව් එක අපේ බැජ් එකමයි උගන්වන මිස් කෙනෙකුත් දැන ගෙන හිටියා.මිස්ගේ නම සංජීවනී කියලා ටිකක් තරුණ මිස් කෙනෙක්.මේවට ෆුල් සපෝට් .පන්තියේ ළමයි මිස්ට මාර කැමතියි.ඒ දවස් වල ප්‍රශ්න අහන්න නැගිට්ටද්දි මුලින් අවතාර්ගේ නම කියලා පස්සේ අර හිතේ හිටිය කෙනාගේ නම කියනවා.අරූටත් එහෙමයි .ඌ ට්‍රයි කරන දවස් වල උගේ නම කියලා ඊට පස්ස කෙල්ලව නැඟිට්ටවනවා.

                        එකලොහ වසරේදී මුන් දෙන්නගේ ලව් එක නැඟල ගියා.එකොළහ වසරේ කාගෙත් ටාගට් එක සාපෙ නේ.මූට ඒ වෙද්දිත් කෙල්ලව දාගන්න බැරි උනානම් අනිවා මූ සාපේ සාපයක් ම කරගනන්වා.හැබැයි මුගේ වෙලාවට කෙල්ල මූට කැමති උනා.සාපෙ ලං වෙන කොට කෙල්ලට වෙන ඉස්කෝලෙක එකෙක් බැල්ම දැම්මා.ඊට පස්සේ මූ ඌත් එක්ක ගේමට බැස්සා.දවසක් පන්ති ගිහින් ඉද්දී ත්‍රීවිල් කාරයෝ දෙන්නෙක් එක්ක ඇවිත් මූට පාරක්ද දෙකක්ද ගහලා තිබුනා.මූ වැඩේ අතෑරියේ නෑ.කොහොම හරි වැඩේ ෂේප් කර ගත්තා.සාපෙත් කරා.අවතාර් ඒ8 ක් දාගත්තා අරූ ඒ6 ක් දැම්මා.හැබැයි මම අදටත් ඌට කියන්නේ මගෙයි උගෙයි ඒ 2කේ වෙනසට හේතුව අර මල ඉලව් ආදරේ කියලා.

                                         ඊට පස්සේ මම මැතෙන් උපෙ කරන්න ගියා ඌ බයෝ වලින් කරා.කෙල්ලත් බයෝ හිටියේ උගේ පන්තියෙමයි.ඒ වෙද්දි අපේ ෆිට් එක ටිකක් අඩු වෙලා තිබ්බේ.ඒ එක්කම අපේ ඉස්කෝලේ උපෙ කරන්න පිට ඉස්කෝලෙකින් අර කෙල්ලගේ නෑදෑ වෙන කොල්ලෙක් ආවා.මස්සිනා කෙනෙක්ද කොහෙද.දැන්  කෙල්ල ටික ටික මෑන් එක්ක භජනෙට වැටෙනවා.මුලින් කතා බහ පස්සේ නිතර කතාබහ මුකුළු දක්වා ගියා.අරූට මේවා දිරෙව්වේ නෑ.මොනව හරි කියද්දි කෙල්ල කිව්වේ දන්න කෙනෙක්නේ කතා කරද්දි නිකන් ඉන්නද කියලා.ඔහොම ගිහින් මාස දෙක තුනක් යන කොට අරකි මූට බූට් එක තියලා අරුත් එක්ක යාලු උනා.දන්න කියන හැමෝටම අප්සට්.කෙල්ලව දාගන්න ඌ කාපු කට්ටත් කෙල්ලට තිබුන ලව් එකත් අපි දන්න හින්දා.සමහරු නම් ඒකිගේ මූණටම බැනලා තිබ්බා.මම ඒකිව හම්බෙන්න වත් ගියේ නෑ.ඒ තරමට එපා උනා.

                              විභාගේ ලං වෙද්දි මූ මනෝ ගහන්න ගත්තා.මම දැනගත්තා අනිවා උපෙ චාටර් කරගන්නවා කියලා.ඒ වගේම පලවෙනි පාර තුනම ෆේල්.ඊට පස්සේ මූ දෙවෙනි පාර පන්ති යන්නේ නැතුව කරනවා කිව්වා.ඒ ක්ලාස් යන්න බැරි කමකට සල්ලි නැති කමකට නෙවෙයි.උගේ අම්මා නර්ස් කෙනෙක් තාත්තා සර් කෙනෙක්.හේතුව උනේ පන්ති යද්දි අරුන් දෙන්නා එකට ඉන්නවා දකින එක.දෙවෙනි පාර උපෙ කරා.ඒ පාරත් ඇන ගත්තා.තුන්වෙනි පාර කරලා යන්තම් ගොඩ දාගෙන දැන් QS කරනවා.

                 ඔය මම දැකපු එක බූට් ලව් එකක්.වැදුනේ මගේ හය වසරේ ඉඳල යාලුවට හින්දා මාර අප්සට් එකක් තිබුනේ මටත්.ඔය දවස් වල අවතාර්ගේ හිතේ තිබුනු ආදරේ හිතටම සීමා කරන්න ඕකත් හේතුවක් උනා .මේක කියපුහම ගොඩක් අයගේ පරණ ආදරේ විරහ තැන් මතක් වෙයි .එහෙම උනොත් අවතාර්ට සමා වේවා ඈ.මේක ලිව්වේ ඒව මතක් කරලා අප්සට් කරන්න හිතාගෙන නෙවෙයි.අවතාර්ගේ හිතට වැදුන දෙයක් හින්දා.මම දන්නවා සුලුවට හරි බූට් එකක් වැදුනම කොහොමද කියලා.පස්සේ ජොබ් එක කරන්න ගිය තැන එකෙකුට අවුරුදු හතක ලව් එකකට  බූට් වැදුනා.අවතාර්ගේ හොඳම ෆිට් එකක්.ඌ ඒ දවස් වල විඳපු දුක අවතාර් දන්නවා.ගඟේ ඉන්නේ එක මාළුවද තව ඕන තරම් ඉන්නවා කියලා සමහරු කිව්වට අර මාළුවව අමතක කරන්න සෑහෙන්න අමාරුයි කියලත් අවතාර් හොඳටම දන්නවා.අවසානෙදි කියන්න තියෙන්නේ ඉතින් මේවා දකින කොට ලව් කරන්න හිතෙනවද කියලා තමා.