උදේ හවා තනිව හඬන
පුංචි මල්ලි දුටුවම
හඬන ගමන් අම්මේ කියා
කියන වදන් ඇහුනම
අම්මාගේ අකුරින් ලියැවුනු
එක ලිපියක් නෑ තවම
උහුලන්නට බෑ අම්මේ
දැනෙනා දුක පපු අග
අග හිඟකම් නැති කූඩුවේ
අගහිඟ මැව්වේ ඔබමයි
තාත්තගේ අරියාදුව
නිතරම ඇහුනා මතකයි
අම්මා ගැන කියන කතා
ඉවසා ඉන්නට නොහැකියි
දාලා යන්න කලින් ගෙදර
පුතු සිහි නොවුනා පුදුමයි
අම්මා කියා වෙනත් කෙනෙක්
තාත්තා ගෙන එයි ගෙදරට
අම්මා නැති අඩුපාඩුව
නැති කරන්නේ ඒ විදිහට
හවසට මත් වී ගැරහුම්
ඔහුට කලින් එනවා ගෙට
හීනෙන්වත් එන්න අම්මේ
මම නිදනා පන් පැදුරට
ගමේ ඉන්න අසරණ පවුලක් දැකලා අවතාර්ට කවි සංකල්පනාවක් ආවා.සතියකින් විතර බ්ලොග් පැත්තේ ආවේ .කාගෙවත් බ්ලොගකට ගොඩ වෙන්න බැරි උනා.ඒ ගැන සමාව භාජනේට ඈ.
පින්තූරය ගත්තේ sequelblue.blogspot.com
මේකනම් මහ පව්කාර සිදුවීමක්.. සුර සැප හොයාගෙන එන මිනිස්සු මෙහෙ අතරමන් වෙද්දි.. ලන්කාවෙ දූ දරුවො නන්නත්තාර වෙලා... පවුල සීසීකද යනවා
ReplyDelete"අම්මා කියා වෙනත් කෙනෙක්
ReplyDeleteතාත්තා ගෙන එයි ගෙදරට"
මෙවැනි සෝචනීය කතා ලංකාවෙ කොතරම් අහන්ට දකින්න ඇද්ද???
ඇත්තටම මීගොඩගේ කතාවට මම එකඟයි.ඔය සිදුවීම අද සුලබයි.ඒත් විසඳුම් දුලබයි..නිර්මාණය ලස්සනයි.මමත් මේ සතියේ ලිව්වේ ඔය වගේ නිසදැසක් තමයි.ඔබට ජය!!!
ReplyDeleteනිර්මාණය ලස්සනයි. ඔය වගේ සිද්ධි නිතර දකින්න ලැබෙනවා. අහිංසක දරුවෝ අතරමං වෙනවා ඉතින්.
ReplyDeleteසංවේදී ලියවිල්ලක්... මට නම් සෑහෙන්න දුක හිතුනා... මේ පොඩි ළමයි ගැන... අපේ සමාජයේ මේ අත්දැකීම තියෙන කී දෙනෙක් නම් ඉන්නවද ?
ReplyDeleteබොහොම සංවේදි සිද්ධියක් ලස්සන නිර්මාණයක් බවට හරවලා අවතාර්
ReplyDeleteහ්ම්................................................................
ReplyDeleteතමන්ගේ පවුල වැටිලා තියන අගාධයෙන් ගොඩගන්න රට යන අම්මලාගේ පවුල් ගැන නිතරම අහන්න වෙන අවාසනාවන්ත කතාවක්.
ReplyDeleteඇඩෙනවා :(
ReplyDeleteසුභ වේවා!!! රාජ සම්පත් ලැබේවා!!!
දුක තමා ........ රට යන කථාවේ අවසානය හුගක් වෙලාවට මේවගේ තමයි
ReplyDeleteහ්ම් .... දුක්බර කවි සිතිවිල්ලක්. ලෝකෙ අපි හිතන තරම් ලස්සන නෑ, මොනව කරන්න ද?
ReplyDeleteලස්සන කවි සිතුවිල්ලක්..
ReplyDeleteමගේ මොන්ටිසෝරියේ යාලුවාගේ අම්මා ඌව දාලා ගියා ඌ මොන්ටිසෝරි යද්දීම.මට හොදට මතකයි ඌ ඇවිත් කියනවා "ඊයේ මන් මොන්ටිසෝරියේ ඉදන් ගෙදර යද්දී අම්මා කොහෙද ගිහින් ආච්චියි අක්කයි කිව්වා අම්මා ආයේ එන්නේ නෑ කියලා.එයාලා මන් රවට්ටන්න එහෙම කියන්නේ.මගේ අම්මා මට ආදරෙයි මාව දාලා කොහෙවත් යන්නේ නෑ"කියලා
ReplyDeleteමාත් පොඩි එකා නිසා මොකද්ද උනේ කියලා තේරුමක් තිබ්බේ නෑ යාලුවා කිව්වා කතාව අහගෙන ඉදලා ඇයි අම්මා ගියේ කියලා විතරක් මන් ඇහුවා
ලොකු උනාම තමා මට තේරුනේ උන්ගේ අම්මා උන්ව දාලා වෙන මනුස්සයෙක් එක්ක ගිහින් කියලා :/
මට නම් කියන්න තියෙන්නේ සමහර අය සල්ලි හොයන්න කියලා මෙහෙ ඇවිත් ගන්නේ සැප තමයි. කම් සැප. මෙහෙ ඉන්න ජෝඩු ඔක්කෝම හොර ජෝඩු. ඔක්කෝම කසාද බැඳපු ළමයි මිනිහල ඉන්න අය. මන්දන්නේ නැහැ මහා පව්කාර ජීවිත. මොනවා උනත් පොඩි උන් පව්
ReplyDeleteදරුවන් තනිවෙනවා .. දෙමව්පියන්ගේ ප්‍රශ්න එක්ක..අනේ මන්ද..
ReplyDeleteලස්සනයි.. ගොඩාක් දුක හිතෙනවා..
ReplyDeleteදාලා යන්න කලින් ගෙදර
පුතු සිහි නොවුනා පුදුමයි... :(
දෙමව්පියන්ගේ වැරදි නිසා දරුවෝ කොච්චර දුක් විදිනවද..
ReplyDeleteඅම්මලගෙ තාත්තලගෙ පැත්තෙන් ගත්තම එයාලට තමන් හරි කියල කියන්න හේතු ඇති
ඒත් කොහොම හරි අන්තිමට තැලෙන්නේ අහිංසක අසරණ ළමයි...
හ්ම්ම්ම්ම්ම්ම්ම්ම්ම්ම්ම්ම්ම්ම්ම්ම්ම්.... ලස්සනයි!! ඒ තරම්ම දුකත් දැනෙනවා..:(
ReplyDeleteලස්සනයි.ඒත් දුකයි. :'(
ReplyDelete